Latest News

India PM in mipuite hnenah sawmna a siam

Prime Minister, Narendra Modi chuan nimin khan ram mipuite hnenah thuchah sawiin, mahni inkhuahkhirh theihna leh inpekna inlantirna chu a ropui tih a sawi.
Corona hri leng avanga rampum Lockdown ni 9-na puala nimin-a mipuite hnena thuchah a siamah Prime Minister chuan hri leng avanga hun khirh tak kan tawh lai hian Sawrkar, khawtlang khai-hruaitu leh mipuiten kan zavaia that tlanna turin a theih ang angin hna an thawk tih sawiin, “March 22-a kan inlungrualna kan lantir khan ramdang tana entawn tur a ni a. Hmun hrang hrangah an ti ve mek bawk,” a ti a. Curfew a ni emaw, Khuang tihrik emaw, Kut beng a ni emaw kan zavaia kan in lungrualna kha hun khirh kan tawh laia kan tanrualna lantirtu a ni tih sawiin, “Hei hian Coronavirus kan dona a kan ram inlungrualna a lantir a, lockdown laia kan awm dan hian kan tanrual zia a ti lang bawk,” a ti.
Prime Minister chuan he hri leng hian min hual vel mah se beiseina chu kan kiangah a awm reng tih sawiin, “Hei vang hian Sunday, April ni 5 hian kan zavaiin Coronavirus buaina in min tih manganna te chu do thar leh ila, keimahni theuhah Eng chu i ti nung leh ang u. Kan zavaiin April 5 zan dar 9:00-ah minute 9 chhung kan in-a light te chu ti thim vek ila, kan In kawt theuh ah Candle emaw, Diya emaw, Toch emaw, Mobile flashlight i ti eng ang u,” tiin mipuite chu a sawm bawk.

Comments

Popular News (Last 30 Days)