Fu chingtu ten harsatna tawk

Serchhip District chhunga awm Khawlailung khua chuan an Kurtai tharchhuah tihral danah harsatna an tawk mek.
Khawlailung khuaa Fu chingtu pawl, Khawlailung Sugarcane Grower Association chuan rampum-a Lockdown kalpui a nih avangin an Fu hersa (Kurtai) tihral danah harsatna an tawh thu hi Serchhip District Agriculture Officer hnenah thlenin, Kurtai an neih mek leh Fu her tur an neih te her-a awmze nei zawka tihral a nih theih nan hma lak sak turin an ngen a. Hemi chungchang hi Serchhip District Level Task Force on COVID-19 hnuaia District Level Supply Chain Management Committee chuan State Level Supply Chain Management Committee-ah an thlen sak dawn a ni.
Khawlailung Sugarcane Grower Association hnuaiah hian chhungkaw 120 vel awmin tunah hian Fu hersa atangin Kurtai quintal 70 vel an nei mek a, an Fu her tur la neih te an her thei a nih chuan qintal 100 vel la awm leh thei tura ngaih a ni bawk.

Comments

Chhiar Hlawhte