Serchhip Town chhungah VC 14 awm dawn niin lang

/
Kumin a Village Council inthlanpui neih hun tur hriat la ni lo mah se Serchhip Town chhungah Village Council thar siam belh a nih avangin Serchhip Town chhungah VC 14 a awm dawn niin a lang.
Kumin a Village Council inthlanna nei turin inbuatsaihna kalpui mek a ni a, tun dinhmun ah Serchhip Town chhungah hian VC 11 awm mekin VC thenhran dilna te tihfel a nih hnuah Serchhip Town chhungah hian VC 14 a awm dawn ta niin a lang a. Chhiahtlang VC leh Serchhip-VII VC te then tura tih a nih bakah Serchhip-II VC chu thenin Darnam VC siam turin kumin January 13 khan Notification chu tihchhuah a lo ni tawh bawk a ni.
Tuna a lan danah chuan tuna VC awmsa, Serchhip-I, II, III, IV, V, VI, VII, VIII leh New Serchhip North leh South VC te chu a ngaia la awmin Chhiahtlang VC chu Chhiahtlang North leh South VC-ah then a ni dawn a, Serchhip-II VC chu VC pahnih ah thenin Darnam VC a piang dawn a, Serchhip-VII VC pawh VC pahnih-ah thenin Serchhip Chanmari VC thar a piang dawn bawk a, heti hian Serchhip Town chhungah VC 14 lai a awm dawn ta a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »