Judge in Serchhip tlawh

Gauhati High Court Judge, Justice Nelson Sailo chuan niminpiah tlai khan Serchhip rawn tlawhin Serchhip District Court leh Khawtetlang-a Judicial Department Officers' Quarters sak lai mek te a tlawh.
Justice Nelson Sailo hi Serchhip District Judiciary atana Portfolio Judge a ni a, niminpiah chawhnu lam khan Serchhip hi rawn thlengin Addl. District and Session Judge, Lalbiakzama, leh DC mawhphurhna la mektu Addl. DC, Chuauhnuna bakah Chief Judicial Magistrate, Ngursangzuali leh Officials dang ten an lo dawngsawng a, Serchhip District Court-a Judicial Officers' te hnathawh dan hrang hrangte a en hnuah Khawtetlang-a Judicial Department Officers Quarters sak thar chu a hmunah tlawhin he hna thawktu PWD-a Sr. EE, SDO leh JE ten an lo dawngsawng bawk a, he hna thawh mek-a siamthat ngai leh siamrem ngai te Engineer te leh mawhphurtu te hnenah a hriattir nghal a ni.
Justice Nelson Sailo hi Helen Dawng-liani, Registrar, Gauhati High Court, Aizawl Bench leh Aizawl Bench-a Officials dang te, Thomas Lalrammawia, Deputy Secretary, Law and Judicial Department ten an tawiawm ni.

Comments

Chhiar Hlawhte