Serchhip District-ah VC thar 4 siam a ni dawn

/
Mizoram sawrkar chuan tunhnai khan Mi-zoram-a VC thenkhat ramri siamtharin VC thar siam a awm bawk.
February 28, 2020 khan Mizo-ram sawrkar chuan thuchhuah siamin VC siam thar leh ramri siamthar hi a siam a, hemi ang hian Serchhip District chhungah Serchhip-VII VC atangin Chanmari Veng Serchhip VC chu siam thar tura tih a ni a, Chhiahtlang VC chu VC pahnih ah siam thar niin Chhiahtlang North VC leh Chhiahtlang South VC tih a ni anga, Chhiahtlang VC hnuaia Sub-Village, Vanchengte pawh Village Council hran neiin an awm tawh dawn bawk a ni.
Hetihlai hian Serchhip-II VC then-a VC thar siam tura hmalakna chu he Notification ah hian tarlan tel a ni ta lo thung a. Hemi chungchang ah hian kan Palai chuan Serchhip DLAO Office-a thawk te zawtin, Serchhip-II VC then tur hian tih tur tul ang ang te an tih thu leh engkim fel vek-a an ngaih thu sawiin, tuna Notification chhuaka tarlan tel a nih loh chhan hi an la hriat loh thu an sawi a, Aizawl lama thuneitute zawh-fiah ala tul tur thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »