Serchhip-ah Poshan Pakhwada hawnna neih a ni

/
Nimin khan Serchhip-ah Poshan Pakhwada (Nutrition Mission Fortnight) chu hman tan niin Ser-chhip Mahila Shakti Kendra te nen tangkawpin Swachta Pakhwdada Activities Programme hawnna neih a ni bawk.
India ram mipuite lo hrisel zawkna atana eitur tha ei tura inzirtirna beihpui thlakna kal zel, Poshan Pakhwada kum 2-na puala Poshan Pakhwada (Nutrition Mission Fortnight) hawnna hi Serchhip Bazar-ah neih niin he hun hi Juliet Lalrempuii, District Project Assistant, Poshan Abhiyaan, Serchhip chuan kaihhruaiin Angela Vanlaruati, Block Co-ordinator, Poshan Abhiyan Serchhip chuan eitur tha ei tam tur inzirtirna, Poshan Pakhwada (Nutrition Mission Fortnight) thiltum leh he hmalakna hnuaia tih tur duansa te a sawi a, James Lalremruata, District Co-ordinator, Poshan Abhyian kaihhruaina in Hriselna tana Eitur tha ei tura intiamna (Plegde) sawi rual a ni bawk.
Nimin-a he hun hman hi Serchhip BDO, Vanlalhmachhuana chuan khuallian nia hman-puiin hriselna atana eitur tha ei pawimawhna hrang hrang a sawi hnuah Nutrition Mission Fortnight puala Cycle Rally buatsaih chu a vailiam (Flag-off) nghal a, he Cycle Rally-ah hian Serchhip khawpuia naupang 50 chuang telin eitur tha ei tura inzirtirna thuziak te tarin, Serchhip Bazar Kawn atanga tlan tanin, Serchhip Auditorium an hel kual hnuah Serchhip Bazar-ah bawk an kir leh a ni.
Hemi hnu hian Swachta Pakhwada chu Serchhip Damdawi In tual-ah hman zui niin he hunah hian Serchhip ICDS Project hnuaia Anganwadi-a thawktute leh naupangten Ser-chhip District Hospital leh a chhehvela bawlhlawh te an chhar fai nghal a, he hun hi Serchhip BDO, Vanlalhmachhuana leh Serchhip ICDS Project-a CDPO, Lalbiakliana te chuan hmanpuiin naupangte nen khawlai dung a bawlhhlawh te chharin kawngdung te an phiatfai bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »