ASEAN ram palai ten Mizoram Governor an kawm

/
Mizoram-a rawn kal, ASEAN ram zinga ram paruk aiawh Ambassador te chuan nimin khan Mizoram Governor, P.S. Sreedharan Pillai chu kawmin Governor hian Chaw chhun a buatsaih sak nghal bawk.
Nimin-a an kawmna ah hian Governor P.S. Sreedharan Pillai leh Lady Governor Reetha Sreedharan te chuan Mizoram mipuite aiawhin ASEAN palaite chu Mizoram an rawn tlawh avangin lawmthu an hrilh a. Mizorama an cham chhungin hun tha tak an neih an beisei bakah sumdawnna kawngah pawh Mizoram pawimawhna te an rawn hmuchhuah ngei an beisei tih an sawi a. Governor chuan ASEAN palaite nena an inkawmna chungchang leh an ngaihdante chu President leh Prime Minister hnenah pawh la thlen a tum a. ASEAN palaite rawn zinna avang hian Mizoram kaltlanga ASEAN ram te leh India insumdawntawnna a pun chhoh bakah inlaichinnate pawh a ngheh zual sauh a beisei thu a sawi bawk.
ASEAN Ambassador te hian anmahni thil tawn theuh te leh Mizoram an hmuhdan te Governor hnenah hian an sawi a. Mizoram nuam an tih thu te, Mizo mipui khawsak phung, incheina, ei leh in bakah Mizo lam leh Kut te chu ASEAN ram mite tihdan nen pawh inang hle a an hriat thu pawh an sawi a ni. Mizoram-a an cham chhungin Chief Minister, Zoramthanga an hmuh thu te, Chief Secretary Lalnunmawia Chuaungo leh Senior Official te pawh an kawm thu an sawi a. Indo-Myanmar Border Area an tlawh thu te sawiin, an ngaihdan leh hmuhdan chuan Mizoram chu ASEAN ram leh India ram insumdawntawnna atana State pawimawh tak a ni tih an hmuhchian thu an sawi bawk a ni.
Mizoram-a Chapchar Kut hmang tura rawn kal, ASEAN ram palaite  hian Zirtawpni-a Chapchar Kut an hman hnuah Inrinni khan Aizawl chhuahsanin Champhai an pan a, Champhai atang hian Rih Dil tlawh turin Myanmar an pan leh a, Inrinni zan khan Myanmar-ah riakin niminpiah, Pathianni khan Mizoram-ah rawn let lehin Khawzawl-ah ropui taka lo dawnsawn an ni a, hemi hnu hian Aizawl pan zuiin Aizawl-ah hian an riak leh a ni.
Tun tuma Mizoram-a rawn zin ASEAN ram palai te hi mi 7 an ni a, Chapchar Kut an hman hnuah Ambassador to Phillipines chu Delhi ah a kir leh tawh thung a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »