Road Safety Week vawi 31-na hman dan tur sawiho

Tun thla ni 16 atanga Road Safety Week vawi 31-na Serchhip District-a hman dan tur ngaih-tuahin nimin khan District Level Road Safety Committee chu Serchhip-ah an thukhawm.
Serchhip District Bawrhsap Pisa-a District Level Road Safety Committee thutkhawm hi Serchhip District Bawrhsap mawhphurhna la mektu Addl. DC, Chuauhnuna chuan kaihruaiin he hunah hian B. Lalrinsanga, DTO Serchhip chuan kumin a Road Safety Week hman dan tura sawrkar in ruahmanna a siam hrang hrangte sawiin, he Hapta hi March 16 atanga March 22 thleng hman tura ruahman a ni thu a sawi a. Hemi hnu hian kumin a Serchhip-a Road Safety Week hman dan tur chungchang hi ngaihtuah zui a ni a, kumin hian he Hapta-ah hian ‘Dan zawm hi hmna a ni’ tih chu thupui-ah hman a ni ang.
Nimin a Meeting hian kumin a Road Safety Week vawi 31-na hman tur hi March 16, 2020 khian Serchhip DC’s Conference Hall-ah a hawnna neih nise an ti a, he hunah hian Govt. Serchhip College-a zirlaite leh Student Police Cadet te bakah Commercial Vehicle khalhtute tel tura beisei an ni a, he Hapta kharna hun hi a hrana hmang tawh lovin fimkhur tura inzirtirna hi kalpui zui zel tura ruahman a ni. He Hapta hman chhung hian Police leh MVI Enforcement Staff ten lirthei te enfiah hna ngawrh zawka thawkin document felfai lova lirthei khalh te enfiah an ni anga, kumdang a lirthei khalhtute tana Dan inzirtirna neih thin chu kumin hian a hrana nei lovin he Hapta hawnna hunah hian neih nghal nise an ti a, mipui leh lirtheite tana lirthei chung-changa fimkhur a tul zia inzirtirna thuziak te siamin semchhuah nise an ti bawk.
Nimin a he thutkhawm-ah hian SDO (Sadar) C. Lalduhzuali bakah Police leh Healh Department aiawhte leh YMA leh MJA aiawhte leh Transport Department-a MVI te pawh an tel bawk a ni.

Comments

Chhiar Hlawhte