Latest News

Oil khuahkhirhna siam

Tunhnaia ramri-a buaina thleng avanga POL Supply khaihlak thei dinhmuna kan din tawh avangin Serchhip District Bawrhsap chuan Serchhip District chhunga Filling Station ten POL pekchhuah dan khuahkhirhna a siam a. Hei hi Supply Department Director in Order alo siam tawh behchhana siam niin he ruahmanna aia tam hian POL hi pekchhuah tur ni lovin Bur-a dawh phal a ni lo bawk. Hei bakah hian Filling Station neitute chuan Petrol hi litre 2500 leh Diesel hi litre 4000 a awmin DCSO hnenah hriattir tur a ni bawk ang.

Officer siksawi an ni

Serchhip-a District Fisheries Development Officer (DFDO), Zonuntluangi chu Aizawl-ah DFDO hna chelh tura sawn niin a aiawh tur hian Champhai DFDO, Lucy Lalrinpuii chu rawn awm tura dah a ni a. Naktuk khian mawhphurhna an inhlan ang.
Serchhip District Civil Supply Officer (DC-SO) hna chelhtu H. Lalluaia chu February thla tawp khan pension-a chhuakin a aiawh tura ruat, C. Zadailova chuan Serchhip DCSO hna hi a chelh a, C. Zadailova hi Siaha DCSO hna chelh thin niin Zirtawpni khan mawhphurhna an inhlan fel tawh a ni.

Comments

Chhiar Hlawhte