VC inthlan tur thlirlawk

Serchhip Block Congress Committee chu nimin khan thukhawmin Village Council inthlanpui neih tura hmalak dan tur hrang hrang an sawiho. Nimin-a Serchhip Block Congress Committee thutkhawm Lalpuithanga Hall, Serchhip Chhim Veng-a neih hi an President, R. Vanlaldula chuan kaihruaiin Aizawl District Congress Committee (ADCC) Vice President, PC. Lalhuapzauva chuan he hun hi a rawn hmanpui a, he hunah hian ADCC Vice President chuan fuihna thu sawiin thawhpui nei lova Village Council inthlan hmachhawn chu ADCC duhdan a nih thu sawiin, Mizoram Assembly inthlanpui ah Congress Party in hnehna an chan zawhloh hnuah an President leh Chief Minister hlui, Lal Thanhawla’n Mizo Hnam tana hna a lo thawh tawh te chu theihnghilh phal chu a nih loh thu a sawi bawk.
Serchhip Block Congress Committee thutkhawm hian Village Council inthlanpui lo awm tur atan
Nomination Committee an din a, he Committee hian VC inthlanpui neih tura an Party Unit hrang hrang
ten Candidate tura an rawtchhuah te chu an lo thlifim leh dawn a ni. He thutkhawm ah hian mi 70 chuang
telin an Party hruaitu ten fuihna thu sawiin, VC inthlanpui neih turah hnehna chang ngei tura hmalak dan
turte an sawiho bawk a ni.

Comments

Chhiar Hlawhte