Latest News

Mizoram-ah hri kai hmuhchhuah belh zel an ni

Inrinni khan Mizoram-ah Sample 3866 enfiah niin hri kai 345 hmuh a ni a, Inrinni-a hri kai hmuhchhuah thar tarlan zingah hian a hma lama Lawngtlai District chhung Karlui-I a hri kai lo hmuhchhuah tawh mi 147 zet chu ziahluh thar an nih avangin hri kai hmuhchhuah hi a tam phah niin a lang.

MYC in thalai sponsor dawn

Mizoram Youth Commission (MYC) chuan UPSC Civil Services Preliminary Examination 2020 hmachhawn tum Mizo thalaite sum leh pai in a pui dawn a. Hemi atan hian Inrinni khan Mizo thalai, kum 2020-a UPSC Civil Services Preliminary Exam hmachhawn tura exam form fill-up tawhte zinga chhawmdawl tlak thlanna chu Pa-chhunga University College-ah neih a ni a. Hetiang chiah hian tunkar Zirtawpni khian New Delhi-ah inbuatsaih mek Mizo thalai, Prelims 2020 Exam form fill-up tawh te tan exam nei leh tura ruahman a ni bawk. MYC ‘sponsor’ tur thlanna exam hi ALS New Delhi ten buaipuiin, Written, Group Discussion leh Personal Interview te neih a ni a, tun tumah hian mi 38 telin, tunkar-a New Delhi-a exam neite nen kaikawpin an result atangin Final selection neih a ni ang a, result hi tun thla ni 15-ah tihchhuah tum a ni a, sponsor tura thlanchhuah te chu tun thla ni 17-ah lakluh an ni ang.

Comments

Chhiar Hlawhte

Serchhip District-ah COVID-19 Vaccine pe leh dawn