Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Kawng siam nan Plastic

Project Pushpak chuan Mizoram Sawrkar in plastic hnawmhnawk leh bawlhlawh tihralna kawnga bawlhlawh sawngbawlna a ngaih pawimawh hnungzuiin tunhnai khan an kawng siam pakhatah a vawikhatna atan kawng siamna atan plastic hnawmhnawk an hmang chhin.
Project Pushpak hian Hnahthial-Sangau-Siaha Road an siam mekah stretch thenkhatah plastic waste chu a vawikhatna atan an hmang a. Waste plastic sin te te a tihsawm chu degree 160 Centigrade-a chhuangso in, hei hi an kawng siam nan an hmang a. Project Pushpak hotute sawi dawnin alkatra a luan kawng aiin hetiang plastic luan kawng hi a tlo theiin sik leh sa a ngam zawkin motor tan pawh tlan a nuam zawk a ni.
Kum 50 chuang Mizoram-a hna thawk tawh Project Pushpak hian Kawlchaw-Phura-Tongkolong Road ah lei tihngheh/sawhngeh nan Soil Stabilization atan Biological Enzyme an hmang a, chutiang bawkin Zawngling-Mawhre-Chapi Road-a Soil Stabilization atan cement leh admixture an hmang bawk a ni.

Comments

Chhiar Hlawhte