Corona Virus sawihona nei

/
Nimin khan Champhai North bialtu MLA leh Health & Family Welfare Board Vice Chairman, Dr. ZR. Thiamsanga hovin Champhai Circuit House Conference Hall-ah Corona Virus leng laka invenlawkna tura hmalak tawhna leh hmachhawp te sawihona neih a ni a, he hunah hian Dr. ZR. Thiamsanga chuan tunlaia China, khaw-vel ram dang leh India ram chhung ngeia leng mek Corona Virus natna do nan Sawrkar laipui, State leh District thuneitute'n nasa taka tan an lak mek zel thu sawiin, India ramah he natna vei hi mi 30 hmuh niin, thihpui an la awm loh thu leh Mizoram-ah chuan vei hmuhchhuah an la awm loh thu a sawi a. Corona Virus natna laka invenlawkna tur chuan kan zavaia kan tan tlan a ngai tih a sawi bawk. Mizoram leh Myanmar inkalpawhna pui ber, Zokhawthar a Screening kalpui mekah mi 379 te enfiah an ni tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »