Chanchin thar thenkhat

Arsa leh Artui a him tih sawi

Animal Husbandry & Veterinary Department chuan Coronavirus hri leng velah Social Media, Print leh Electronic Media hrang hrangah Artui leh Arsa ei atangte a he natna thehdarh leh kai theih anga thuthang awm chu pawi an tih thu thuchhuah siama tarlangin, he natna leng chungchang hi World Animal Health Organisation (OIE) te nen tangtlanga zir ve reng a nih thu an tarlang a. Tun thleng hi chuan Ar emaw, ran dang atanga inkai report belhchian dawl a awm lova, mihring leh mihring inkaichhawn hi a darhna a ni tih tarlangin, mipuite tan Arsa leh Artui ei chu a him thu an tarlang bawk.

Pisa kai zui lo turin ngen

Mizo Students’ Union (MSU) chuan Mizo-ram Subordinate Service Selection Board (MSSSB) Chairman atana Political Party-a nihna nei mek ruat an duhlohna an lantir mekah nimin khan MSSSB Chairman chu Pisa kal chhunzawm tawh lo tura ngenna pein an ngenna zah sak tura an duh thu an sawi a. Sawrkar pawh hma la nghal tura ngen nawn lehin a tul anga hmalak zel an tum thu an sawi bawk.

YMA in kalpui rihloh tha ti

S Central YMA Executive Committee (CEC) nimin a Aizawl-a thukhawm chuan, tunlaia khaw-vel tibuaitu Corona Virus (Covid-19) laka mipuite kan him tlan theih nan Sub-Hqrs/Group Conference/Rorel Inkhawm, Kumpuan hawn leh YMA Sports te chu hun engemaw chhung atan kalpui rih loh nise tha an tih thu an sawi.