MNF in VC thlan an thlirlawk

MNF East Block Serchhip chuan Mizoram Village Council inthlanpui lo awm turah VC zawng zawng la thei tura hmalak nise an ti.
Ser-chhip East Block MNF hian nimin khan Serchhip Hmar Veng YMA Hall-ah an President, T. Zadingliana kaihhruaia Executive Committee Meeting neiin kumin a Mizoram Village Council inthlanpui neih tura hmalak dan tur hrang hrang an sawiho a. He Meeting kaihruaitu an President, T. Zadingliana chuan Mizoram Village Council inthlanpui neih hun tur hi hriat la ni lo mah se tun atanga reilote ah nei mai thei kan nih tawh avang leh rorellai Party an nih anga Serchhip khawpui chhunga VC awm zawng zawng an lak vek theihna tura tan la tur leh theihtawp chhuah turin he huna tel te chu a chah a ni.
Hemi hnu hian kalkhawmte hian hmalak dan tur hrang hrang sawihona neiin he Village Council inthlanna neih turah hian Block Level in Nomination Committee din nise an ti a, VC tinah Unit leh Group ten Candidate atana tha tur mi 10 zel thlangchhuakin chung atang chuan thlitfim leh nise an ti a ni.

Comments

Chhiar Hlawhte