Kumthar-ah hma sawn i tum ang

Kumthar (2020) chu kan lo chuang-kai leh ta a, kumthar lawmna vuakvet hmang zovin mi tam ber te chuan kan eizawnna leh kan khawsak phung pangngai kan zawh leh tan dawn ta a, kumthar a nih angin mitin ten kan eizawnna leh kan hnathawhna kawng hrang hrangah thahnem ngaihna thar nen bul tanin midangte tana harsatna thlentu ni lova malsawmna nih tum theuhin he kum bul hi tan tlang thei ila kawng tam takah hma kan sawn ngeiin a rinawm.

Mi tam tak chuan hetianga kum bul kan tan hian an khawsakna leh ei leh bar zawnna kawngah hmasawnna thar neih tumin thu te an tiam hial thin a, mi tam tak chuan an thil tih thin a thalote simin kawng dik leh tha zawk te pawh zawh an tum thin. Hetianga kawng dik leh tha zawk zawha hmasawn tum hi kan mihring mihrinna ah pawh thil tangkai tak a nih a rinawm a, chuvangin mipuite hian kan thlen chin atang hian he kumthar lo thleng ah hian pen khat tala hmasawna hmalam pan tum ila, hetianga hma kan sawna midangte tana malsawmna kan nih chuan nasa takin kan ram leh hnam hian hma a sawnin a rinawm.