Home Minister in Kolasib District Jail a tlawh

Home Minister, Lalchamliana chuan nimin khan Kolasib District Jail-ah mi 32 awm theihna tur Male Barrack a hawng a, District Jail fangin thawktute nen inkawmna an nei bawk.

He hunah hian Home Minister chuan Jail-a tang mek te chu Jail-a an awm chhungin insiamthat tuma tangkai taka an hun te hmang turin a chah a, Mizoram sawrkarin Jail chu tangte hremna ni lovin tang te tan a insiamthatna hun tha leh enzawnna tlak thiamthil an zirchhuah theihna hmun ni turin hma a lak mek thu a sawi bawk. District Jail, Kolasib hi tang 114 awm thei tur a sak niin mipa 98 leh hmeichhia 16 awm theihna hmun duan a ni. Tunah hian tang 133 awm mekin chung zing 4 te chu hmeichhia an ni a, rukruk vanga tang tam berin 56 an awm a, ND&PS Act hnuaia man mi 29 an awm bawk.

Hemi hnu hian Home Minister hian Ko-lasib-a Fire & Emergency Service Station chu tlawhin an dinhmun a enfiah bawk a, he huna tarlan a nih danin kum 2019 chhung khan Kolasib khaw chhungah In kang 2 leh ram kang 9 thelhin an che chhuak a, Fire Station Kolasib-ah hian Fire Tender motor tui litre 3500 leh 2800 phur thei awmin tanky tui litre 50,000 dah khawl theihna a awm bawk a ni.