Zirlai rawn zin te kir leh ta

Serchhip-a awm Assam Rifles Battalion leh Headquarter 23 Sector Assam Rifles/ Headquarter Inspector General Assam Rifles (East) te bultuma ni 15 zet National Interactive Tour nei Sainik School Chhingchhip naupang te chuan Inrinni khan Aizawl an rawn thleng a. He Tour-ah hian zirlai 14 leh zirtirtu pahnih bakah Serchhip Battalion atangin anmahni buaipuitu atana ruat ten an ho a, November 19, 2019 khan Chhing-chhip an chhuahsan a, Inrinni khan Aizawl an lo thleng ve leh a ni.

He Tour an neih chhung hian Mumbai leh Pune leh a chhehvela hmun pawi-mawh leh zinmite hip khawm thin hmun te an tlawh a, Sainik School, Satara, Maharashtra te an tlawhpui bawk. Zirlai te hian defence hmunpui hrang hrang an tlawh bakah National Defence Academy (NDA), Khadakwasla, Pune-ah Passing Out Parade hun an hmanpui a, Mumbai-a Naval Dickyard te an tlawh rualin tuihnuai lawng (Submarine) te leh India indo lawng te enpui an ni. Indian Railways chuan a bik takin Tour an buatsaih sak bawk a ni.