Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Man tur awmlo ah lawm

Serchhip District Anti-Tobacco Squad te chuan puipunna hmuna meizu an awm leh awm-loh an enfiahna ah man tur an awmlo thin chu lawmawm an tih thu an sawi.
Serchhip District Anti-Tobacco Squad te hian Inrinni zing khan Serchhip Bazar leh a chhehvel-ah Squad Drive neiin puipunna hmuna mei zu an awm leh awmloh an enfiah a, hmun hrang hrang ah tlawhna ah puipunna hmuna meizuk khapna dan bawhchhia a mei zu man tur awm lovin hetianga mipui ten tha taka Dan an zawm leh dan bawhchhia man tur pawh an awmlo chu lawmawm an tih thu sawiin, hmasawnna ropui tak nia an ngaih thu an sawi a. Hun lo kal zel turah pawh midangte tana harsatna thlentu ni tura puipunna mei zu lo turin mipuite chu an ngen bawk a ni. Serchhip District Anti-Tobacco Squad te hian kar kalta Thawhlehni khan Chhiahtlang-a sawrkar Pisa leh zirna In te tlawhin puipunna hmuna mei zu an awm leh awm-loh an lo enfiah tawh bawk a, hetah pawh hian meizu hman tur an awm tawhlo bawk a ni.

Comments

Popular News (Last 30 Days)