Zangnadawmna pe tam tawh

Silchar, Aizawl, Serchhip, Lunglei, Lawng-tlai leh Siaha pawhtu National Highway No. 54 kawng thuang hniha sialna hna thawhna tur kaih-hnawihah mi 5,069 hnenah zangnadawmna cheng vbc. 727 chuang pek a ni tawh.

Land Revenue and Settlement Department hotute hnen atanga thudawn danin National Highway double lane a siamna tur kaihhnawihah hian Aizawl District-ah mi 889 hnenah zangnadawmna cheng vbc. 175.21 chuang pek a ni tawh a, Lunglei District-a mi 1,937-te hnenah cheng vbc. 288.91 chuang pek a ni tawh bawk a. Serchhip District-a mi 858 hnenah cheng vbc. 134.57 chuang leh Lawngtlai District-a mi 287 hnenah cheng vbc. 60.65 chuang pek a nih bakah Siaha District-a mi 1,098 hnenah cheng vbc. 92.95 pek a ni tawh bawk a ni.