MJA Advance Krismas hmang

MJA Serchhip District chuan nimin khan Advance Krismas hmangin Krismas thilpek hlan tur an thawhkhawm.

MJA Serchhip District te hian Advance Krismas hi Thenzawl-a Forest Department Complex-ah hmangin an Vice President, Kapliana Pachuau chuan a kaihruai a, he hunah hian an President, C. Ramengmawia chuan member te hmaah thu sawiin Serchhip District-a thuthar thehdarhtu ten thawhhona tha tak neia kumtluana hun an hmang thei chu lawmawm a tih thu a sawi a. Sawrkar Department te nen pawh thawhhona tha tak an nei thin chu lawmawm a tih thu a sawi bawk.

MJA Serchhip District Advance Kris-mas-ah hian kumdanga an lo tih tawh thin angin an member ten an neih remchan ang sum leh pai thawhkhawmin Rs. 16,000/- hmuh a ni a, kumin a an sum hmuh te hi a hrana sem-chhuak lovin tunkar Zirtawpni zan-a New Ser-chhip College Peng-a 'Chemtatrawta Charity Concert' neih turah a bo a bang awm lovin thehluh a ni anga, hei hi Krismas thilpek atan semchhuah leh a ni dawn a ni.