Vanapa hriatrengna lung phun a ni

Mizo Pasaltha hmingthang Vanapa (Thangzachhinga) hriat-rengna lung, a tuchhuan kalzel ten an buatsaih chu nimin khan Hnahlan ram-a Tuithoh lui kamah phun a, he hun hi Hnahlan khaw mipuite chuan an hmanpui a ni.
Vanapa ruang phumna hmuna a tuchhuan ten Hriatrengna lung an phun hi Art & Culture Department-a Deputy Director, Lalchuailova chuan hmanpuiin Vanapa chanchin leh a thihna hmun/ thlan hi chhui dan hrang hrang awm mah se, kan innghahna leh kan rin ber tur chu, kum 1926-a Mizo leh Vai Chanchinbu-a ziaka awm leh, Mizo Historian, B. Lalthangliana ten ziak ngeia an lo dah te chu ni tura a ngaih thu a sawi a. He hunah hian Vanapa tuchhuan zinga mi, C. |hasiama, Bawngkawn, Aizawl pawhin an pu, Vanapa thlan awmna hmun chungchang hi mithiam tam tak ten a awmna hmun an sawi dan inang lo mahse, an chhungkaw thu rochhiaha an inhlanchhawn zelah chuan Vanapa thlan awmna chu 'Hnahlan ram, Tuithoh lui kam' tih chiah hi a ni tih a sawi a. Amaherawhchu, Tuithoh lui awmna tak hi an hriat loh avangin, an pu thlan hmun hi an hre thei mai lova, hetia Hnahlan khawtlanga tlawmngai pawl ten an zawn hmuh sak avanga a thlan hmun ngeia a hriatrengna lung an phun thei chu an lawm takzet tih a sawi bawk.

Comments

Chhiar Hlawhte