Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip ZPM in pawi tih thu an sawi

Serchhip Block ZPM chuan sawiselna leh nasa taka dodal chunga Parliament House pahnih a Citizenship Amendment Act (CAA) pawm a lo ni dawn ta chu pawi an tih thu sawiin, he dan pass a nih avanga dodalna leh lungngawi lohna hrang hrangte an thlawp thu an sawi.
Hemi chungchanga nimin-a thuchhuah an siamah Mizoram ang thova hnam tenau (Tribal) leh chimral mai hlauthawnawma ding ve mek State dangte'n CAB pass a nih loh nana nasa taka an dodalna an lantir thu leh chhiatna hrang hrang leh nunna hial chánte pawh an awm phah laia, keini, Mizoram sawrkar, MNF sawrkarin pass a nih theih nana bán a phar ta mai chu zahthlak an tih thu leh a lungchhiatthlak an tih thu sawiin, bán phar tura thuthlukna siamtu, MNF sawrkar an dem thu an sawi a. Tun kum 30 chhunga Mizoramin sawrkarna chelhtu political party kan neih pahnih Congress party leh MNF party kaihhruaina diklo lutuk avangin Mizoram chu kan intodelh lo hle-in kan rethei em em reng tih pawh tarlangin, Central sawrkar atanga pawisa sawi chhuah mai loh chu tih theih kan nei lovin, chu bak innghahna tur kan la nei lo nia tarlangin, “Central sum leh pai it avanga kan Mizo-na leh Kristianna nena inmil lo em em, State mipui zawng zawngin kan do leh Kohhran thleng pawhin a do-a a duh loh em em, CAB a thlàwp tak avang hian kan hrawn mek MNF sawrkar chu ‘Ram leh hnam hralhtu’ kan ti lo thei lo a ni,” an ti a. Tun chinah ram leh hnam tana issue lian thamah kan sawrkar hian, ram mipui duhloh dan leh ram leh hnam tana thalo tur leh himlo tur zawngin ‘bán phar’ tawh lo se kan ti a ni, an ti bawk.

Comments

Popular News (Last 30 Days)