Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Serchhip khawpui Bawlhhlawh paihna hman lai thlakna tur buaipui mek a ni

Serchhip leh Keitum inkara UD&PA Department in bawlhhlawh paihna hmun an hman mek thlakna tur ruahman mek niin hun reilote ah bawlhhlawh paihna thar hi hman theih beisei a ni.
Serchhip-a UD&PA Department hotute hnen a\anga thu kan dawn danin National Green Tribunal chuan rampum a bawlhhlawh paihna hmun (Dumping Ground) chu tibo vek turin ruahmanna a siam a, hemi ang hian Serchhip khawpui bawlhhlawh paihna atana UD&PA Department in an hman mek Serchhip leh Kei\um inkar ami chu tihtawp tum a ni a, a thlakna atan hian bawlh-hlawh sawngbawlna hmun thar, Solid Waste Management Center chu siam tum niin hemi atan hian New Serchhip North VC huamchhunga Lungrual Mualkawi ram-ah mimal ram chu lei a ni tawh a, tunah hian helai ram ah hian bawlhhlawh a\anga lei\ha siamna tur In pahnih chu sak mek niin heng In te hi sak zawh a nih hunah chuan hman nghal mai theih beisei a ni a, helai hmun panna kawng pawh hi tunhnai khan khawl hmangin a theih ang anga siamrem hna thawh a ni tawh bawk a ni.
Serchhip-a UD&PA Department hotute chuan India rampuma khawpui fai inelna, Swachh Survekshan-2020 chu kalpui leh mek a nih thu pawh sawiin, he khawpui fai inelna atan hian nakum kumtir lamah hian Serchhip khawpui pawh rawn enfiah leh a nih dawn thu an sawi a. Tunah hian Serchhip khua chu Mizoram khawpui fai ber lawmman dawngtu a nih avangin inthlahdah lova kan \an zui zel a \ul thu a sawi a. Faina kawnga hma kan lakna bakah mipuite pawhin sawrkar leh tlawmngai pawl te hmalakna hriatpuia endikna neih hunah zawhna an dawng a nih pawhin dik tak leh \ha taka lo chhang turin an ngen bawk a ni.

Comments

Popular News (Last 30 Days)