Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

Police ten thubuai lut chhui zawh ngah tawh

Serchhip Police te chuan kumin chhungin thubuai 60 ziaklut tawhin heng zinga 50 te chu chhui zawh a ni tawh.
Serchhip Police Station-ah hian kumin chhungin thubuai 60 ziahluh ni tawhin heng zingah hian IPC hnuaia thubuai ziahluh 42 zet a awm a, mi rawk leh rukruk thubuai chu thubuai ziahluh zinga a tam ber ber te ni lehin mi rawk leh rukruk thubuai hi 11 ve ve, a vaiin 22 ziahluh a ni tawh a, heng thubuai hi kumtin ziahluh tam zingah a tel ziah a ni. IPC hnuaia thubuai ziahluh zingah hian pawngsual thubuai ziahluh pawh 4 awmin heng te hi chargesheet thehluh vek a ni tawh a, IPC Section 188-na bawh-chhiat thubuai pawh pathum ziahluh a ni bawk.
Non-IPC hnuaia thubuai ziahluh zingah zu leh a kaihhnawih a thubuai ziahluh pawh 9 zet awmin thubuai malkhai-ah ziahluh tam ber a ni a, MLPC Act hnuaiah thubuai ziahluh 2 awmin MLP Act hnuaiah thubuai 6 ziahluh a ni bawk a. Ruihhlo leh a kaihhnawih chungchang ah ND&PS Act hnuaiah thubuai 5 ziahluh a ni bawk. Hei bakah hian hursualna laka naupangte venhimna Dan, Protection of Children from Sexual Offences (POCSO) Act hnuaiah thubuai 4 ziahluh a ni bawk a, heng te hi chhui zawh vek a ni tawh bawk a ni.

Comments

Popular News (Last 30 Days)