Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

PMVVY Week-Matru Vandana Saptah hawnna neiin Anganwadi Workers tha chawimawi an ni

Social Welfare Department hnuaia Pradhan Mantri Matru Vandana Yojana (PMMVY) kalpui mekah kumtin PMVVY Week-Matru Vandana Saptah hman tura tih angin kumin atan PMVVY Hapta hawnna chu nimin khan Serchhip-ah District Bawrhsap, Sangchhin Chinzah hova neih a ni a. PMVVY hnuaia hma la tha Anganwadi Workers pathum te hnenah chawimawina hlan a ni bawk.

Pradhan Mantri Matru Vandana Yojana (PMMVY) Week puala inkhawm nimin-a Serchhip CMO Conference Hall-a neih ah hian District Bawrhsap, Sangchhin Chinzah chuan India ram khua leh tuite vanneihna chu naupaite leh nau neite tan lawmman a siam bakah naupai lai atangin naupangte tan a thlawnin vaccination a pe te a nih thu a sawi a, hei hi mipuiten an hriat loh hlauin mipuite hrilhhriatna hun a la buatsaih lehzel thu a sawi a, hengte hi mipui ten hman tangkai nachang kan hriat tul a tih thu a sawi bawk.
Serchhip ICDS Project-a CDPO, Lalbiakliana kaihhruai he hunah hian District Bawrhsap hian PMVVY hnuaia hma la tha Anganwadi Workers mi pathum (3) te hnenah chawimawina hlanin lawmman pakhatna chu Lalawmpuii, Chhingchhip South Anganwadi Centre chuan dawngin Lalhmangaihi, Chhingchhip Mualpui Anganwadi Centre chuan lawmman pahnihna a dawng a, R. Zonunsangi, Serchhip Vengchung Anganwadi Centre chuan lawmman pathumna dawngin heng mite hnenah hian chawimawina thuziak leh pawisafai hlan a ni.
PMMVY Scheme hi Social Welfare Department enkawlna hnuaiah January 1, 2017 atang khan kalpui niin he Scheme hnuaiah hian Serchhip District chhungah mi 1449 hnenah tanpuina sem a ni tawh a, sum semchhuah zawng zawng chu Rs. 6,131,000/-a ni. 
Matru Vandana Saptah (PMMVY Week) hi Ministry of Women and Child Development hmalakna in PMVVY kalpui danah hmasawnna thar neih belh zel a nih theih nan nikum 2018 atang khan hman tan a ni a, nikum 2018 khan Serchhip District chuan ‘Best Performing District Award at National Level’ alo dawng tawh a, kumin 2019-ah pawh hian pakhatna ni leh thei turin theihtawp a chhuah mek zel a ni.
He PMMVY Week hi December ni 2-7, 2019 chhung hian programme hrang hrang neiin Serchhip District pumah hman tur a ni a. nimin a he hun hmanna ah hian F. Hmingthan-kimi, DPC (PMMVY) chuan PMMVY chungchang sawifiahna leh report a pe a, Dr. Laldawngliana Sailo, CMO, Health Department pawhin thu a sawi bawk. He hunah hian Anganwadi Workers thahnem tak an tel a ni.

Comments

Popular News (Last 30 Days)