Nimin khan Mamit DC, Dr. Lalrozama leh Rural Electrification Corporation Limited (REC) a CEO, Dr. SV. Srivinas te chuan Navratna Enterprise, Corporate Social Responsibility (CSR) atanga Mamit Aspirational District zirna leh hriselna kawnga chawikanna atana hmalakna turin inremna an ziak.
REC Limited Govt. of India, Navratna Enterprise hnuaia Corporate Social Responsibility (CSR) atang hian Mamit District chawikanna tur cheng vbc. 20.63 hmuh chu Mamit District chhunga naupang School kai rual zirna dawnglo mi 532 te School kaltir nan te, Zirtirtu thiamna bik nei tur mi 912 te training pek nan te, School 20 te Smart Class tura thuam nan te, Hmeichhia ziak leh chhiar thiamlo mi 4000 zawn chhuah tawhte ziak leh chhiar thiam tura zirtirna pek nan te, Primary School 245 te hnena Water filter pek nan te, Higher Secondary School 144-ah tui hnianghnar pe tura hmalak nan bakah Sawrkar School thuamthat nan te hman a ni ang.
Hei bakah hian mipuite hriselna kawnga hma an sawn theih nan Mamit District chhunga Primary Sub-Centre 41, Primary Health Centre 9, Community Health Centre 1 leh District Hospital te thuamthata tihchangtlun tum a ni dawn bawk a. PHC leh CHC bakah District Hospital 11 te tan Mobile Medical Van pek tum niin heng bakah hian Hospital mamawhte a theih ang anga thuamthat nana hman tum a ni ang. District chhung khaw hrang hrang atangin TB damlo enkawl thiam leh Damdawi lama thawktute pui theitu tur mipa leh hmeichhia mi 84 te training pekna tura ruahmanna kalpui a ni bawk ang.
.jpeg)
Comments
Post a Comment