Leivung paih Motor chesual

Nimin chawhma dar 11:00 vel khan Ser-chhip Chanmari Veng-ah leivung paihtu Truck pakhat chu chesualin kawngthlang ah a tla a, mihring thi leh hliam an awmlo thung.
Thudawn danin Serchhip P&E Veng Leisekawt Mual laihzauh hna thawh meka leivung paihtu zinga Truck (Ashok Leyland) Mz-06-5321, C. Zirkunga, New Serchhip Venglai ami ta hian nimin chawhma dar 11:00 vel khan Serchhip Chanmari Veng-ah leivung hi paihin leivung a bun zawh hnua a tlanchhuah dawn laiin a ke hnung in a rahna lei chu tlahniamin leivung chim hian a tlakpui zui a, he Motor hi motor neitu fapa, C. Lalrohlupuia @Tea (28) chuan khalhin amah chiah Motor-ah hian a chuang a, Motor a liam dawn lai hian zuangthla hmanin hliam tuar lovin a chhuak thei a ni. He Motor hi kawngthlang ah meter 70 vel lumin a chhe hneh hle nia thudawn a ni.

Comments

Chhiar Hlawhte