Hospital Empanelment Suspend

Health and Family Welfare Secretary, H. Lalengmawi chuan Sawrkar damdawi In nilo, Health Care Scheme zawm duhlo damdawi In te chu an Hospital Empanelment Suspend a nih thu a sawi a, tun dinhmun ah damdawi In 14 in Health Care Scheme an zawm tawh thu sawiin, a zawm duhlo te chu Chief Minister hova Committee sang berin thu alo dah tawh angin an Hospital Empanelment Suspend a nih thu a sawi a, Empanelment suspend damdawi In te chuan Sawrkar-ah an Bill a remchang tawh dawn lo tih a sawi bawk.

Health Secretary chuan hemi avanga mi harsa ten Private damdawi In tam tak an pan ngam tawh lo nia a lan tak avangin Sawrkar dam-dawi In awm ang ang ah khum dah belh a ni dawn a, a tul a nih chuan corridor leh hmun awl ah dah a ni ang, ati a, Zoram Medical College amite pawh a tul a nih chuan hmun dangah duty turin an tir dawn tih a sawi a. Falkawn-a Zoram Medical College-ah pawh damlo in admit an pun a rin thu sawiin, Aizawl leh Falkawn inkara regular taka Bus a service theihna turin Transport Department te nen pawh rem an ruat thu a sawi bawk.