Drivers' Week hman tan a ni

Zoram Drivers’ Union (ZDU) Sub-Hqrs. Serchhip buatsaih Fimkhurna Hapta, Drivers' Week Vawi 39-na chu nimin khan Mizoram pumah hman tan leh a ni a. Serchhip-ah pawh he Hapta hawnna hi Serchhip Bazar-ah neih a ni.
Serchhip-a Drivers’ Week hawnna hun nimin zing-a Serchhip Bazar-a neih hi ZDU Sub-Hqrs. Serchhip President, Lalthlanthanga Chawngthu chuan kaihruaiin khuallian ni-a he Hapta hawngtu Serchhip Addl. DC, Chuauhnuna chuan lirthei chetsualna rapthlak tak tak leh nunna leh bung-raw hlu tak tak kan chan thin na chu kan fimkhur tawkloh vang a nih thin thu sawiin, kumin Krismas leh Kumthar vuakvet ah pawh hian Serchhip District chhung mai nilo, rampuma lirthei khalhtute leh enkawltute chuan he Hapta pual hian a thara fimkhurna nunpui leh vek turin a sawm a. Lirthei khalhtute mai bakah khualzin te pawh an zin veivahna ah fimkhurna nunpui thar leh tur leh ke-a kal mipuite pawhin fimkhurna nunpui thar leh theuh tura chahin ‘Fimkhurna Hapta 2019’ chu a hawng a ni.
ZDU Sub-Hqrs. Serchhip ten Fim-khurna Hapta a hawnna inkhawmah hian an Secretary, LR. Bawlliana chuan report pe in, ZDU Sub-Hqrs. Serchhip hnuaiah hian ZDU Members 480 an awm mek thu te, he fimkhurna Hapta hman anih chhung hian Week Flag zawrh a nih dawn thu leh an hralhna sum te chu ZDU te enkawl Aizawl Zuangtui-a Damna In tanpuina tur a nih a sawi bawk.
Tun thla ni 6 thlenga hman tur Fimkhurna Hapta vawi 39-na hman chhung hian ZDU chuan lirthei-a tar tur Flag zuarin Fimkhur a pawi-mawhna thuziak hrang hrang an sem nghal bawk a. He Hapta khar Ni, Dec. 6, 2019 khian Assembly an nei nghal dawn a ni.
Drivers’ Week hi Aizawl-ah chuan Supply Minister, K. Lalrinliana chuan hawngin kumin hian ‘Fimkhur La, Nun Chhanhim Rawh’ tih chu thupui-ah hman a ni.

Comments

Chhiar Hlawhte