Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Dr. R. Lalthangliana’n Party insiamremna dan a pawm thlap thu a sawi

MNF Vice President atanga chawl ta, Dr. R. Lalthangliana chuan tunhnaia an party insiamremna chungchangah an President-in hruaitu lu ber a nih anga ruahmanna a neih chu a pawmpui thlap thu a sawi.
Nimin a Aizawl Mizo Hnam Run-a MNF Chhung Inkhawm ah Health Minister ni bawk, Dr. R. Lalthangliana hian thu sawiin kum 33 zet MNF party leh sawrkara mawhphurhna hrang hrang an hotuten an lo chelhtir tawhna zawng zawngah lawmthu sawiin, “Tlin lohna leh fellohna tam tak ka nei ang tih ka ring. Chuti chung pawha min duhsak thintu kan hotute leh MNF workers kan thawhpui zawng zawngte chungah ka lawm takzet a ni,” a ti a. “Tun thlenga kan ram leh hnam tana ka thawh tawhna te, kan party inpumkhatna atana ka insenso ve tawhna te awm ve bawk mahse, kan hnam Martar-te inhlanna te, hnam tana mi tam tak kan unaute tawrhna leh inpeknate nen chuan khaikhin rual a ni lo,” a ti.
Tunhnaia an party insiamremna chungchang ah Dr. R. Lalthangliana chuan, “Kan President-in hruaitu lu ber a nih anga ruahmanna a neih, kan party chhung inenkawlna leh sawrkar hmalakna a chak zawk theihna tura a hmalakna hi ka pawmpui thlap a. Tuna kan hruaitu tharte hi Nomination Committee kaltlanga kan neihte an ni,” a ti a. “He chanvo pawimawh tak chang theia an awm hi ka lawmpui takzet a. Term thar atan mawhphurhna hrang hrang Headquarters atanga Unit thlengin an la rawn siamrem ang a, ‘kei kei’ ti lovin, Pathian leh kan ram tan tia ding nghet kan ni tih hre rengin, ‘nang nang’ tiin kan rilru siam thar leh ila. Harh thar lehna (revival) hi he hnam party-a thlentirtu nih tum ila. Ram tana theihtawp chhuah tura inpe kan nih avangin hruaitu nih inchuhna a awm tur a ni lo,” a ti a. “Roreltute hi Pathian min pek an nih angin tuna kan party hruaitute hi ka ring tawk a, an kaihhruaina hnuaiah kan ram tan nasa lehzualin hna kan thawk zel dawn a ni. Chutih kara kan party leh kan hnam inpumkhatna tichhe thei zawnga chung lam pawm loh mahni hmasialna, midang chanvo hmuh len bikna, mi kara hemthlak duhna leh nihna inchuhna awm thei zawng zawng lakah i inthiarfihlim ang u,” a ti bawk.
Dr. R. Lalthangliana chuan MNF chu Mizo Hnam tana ding, Hnam party a ni tih pawh sawiin, “Kan thupui pawh Pathian leh kan ram tan tih a la ni reng a. Kan party hi chu a dinna ngaiah nghet takin a la ding reng a ni. MNF nihna tak hi sawifiah a har lo, ram leh hnam hmangaihtute luan khawmna party tihna a ni mai. Chhim leh hmar, chhak leh thlang, khawvel hmun hrang hranga cheng Zofate Inpui ber kan ni. Zalenna meichher chhitu party kan ni a, chu meichher chu a la mit lo a, thangthar an lo chhuak zel anga an chhawm nung zel dawn a ni,” a ti bawk.

Comments

Popular News (Last 30 Days)