Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chief Minister zinchhuak

Chief Minister, Zoramthanga chuan nizan hmasa khan Union Home Minister, Amit Shah chu New Delhi-a a chenna In-ah kawmin, Citizenship Amendment Bill chungchang leh thu pawimawh dang hrang hrang a sawipui.
Union Home Minister a kawmna ah hian Chief Minister, Zoram-thanga chuan CAB chungchanga Mizo mipui ngaihdan te, Mizoram tana All India Service Cadre hran neih chungchang te, The Mizoram (Maintenance of Household Register) Bill, 2019 chung-chang te, Tripura-a Bru refugee chungchang te, Aizawl khawpui laili atanga Assam Rifles sawn-chhuah chungchang te, Ministry of DoNER leh NEC-a Budget tam zawk dah chungchang te, Hindi Teachers chungchang leh Zoram Medical College chu AIIMS zulzuia Medical College-cum-Hospital a din chungchang te leh Home Department mamawh hrang hrangte a sawipui a. Heng Chief Minister in thu a thlen te hi Union Home Minister chuan enzui a lo tiam a ni.
Chief Minister hian niminpiah khan DoNER Minister, Jitendra Singh chu a chenna In-ah a kawm bawk a. India hmarchhak State te tana Ministry of DoNER leh NEC ten nasa zawka hna an thawh theih dan turte leh hnathawh dan tura rawtna a thlen bawk.
Chief Minister hian nimin khan Union Minister of State for Tribal Affairs, Renuka Singh Saruta-i chu kawm bawkin Mizoram mamawh hrang hrangte leh hmalakna hrang hrang kalpui mekte Union Minister hi a sawipui a. Pi Renuka Singh Saruta chuan Mizoram State Games atana sum mamawh chungchangah a Secretary a lo sawipui nghal tur thu leh sum ngaihtuahpui a inhuam thu Chief Minister a hrilh a ni. New Delhi a zin mek Chief Minister hi Lok Sabha MP, C. Lalrosanga, State Planning Board Vice Chairman, H. Rammawi, Chief Secretary Lalnunmawia Chuaungo leh official dangten an tawiawm a ni.

Comments

Popular News (Last 30 Days)