ZPM in kalphung felloh vangah an ngai

ZPM |halaite chuan Mizoram-a zirna tlakhniam chhan chu zirtirtu indaihloh vang ni lovin kalphung felloh vangah an ngai tih an sawi.

Nimin a thuchhuah an siamah ZPM |halaite chuan Mizoram Legislative Assembly 3rd Session neih zawh tak, June 21-a Education Minister in Starred Question a chhanna ah Mizoram-a zirna In-ah Teacher-pupil ratio chu 1:14 a nih thu leh Central norm chu 1:30 a nih thu a tarlang tih tarlangin, hei hian chiang taka a tarlan chu zirna tlakhniam chhan chu zirtirtu indaih loh vang ni lovin kalphung felloh vangah an ngai tih an tarlang a. “Zirtirtu 900 chuang pawh lak beh ila, zirna chhiat chhan ber hriatchhuaha, siam\hat a nih si loh chuan sum sen thlawnna mai mai tur a ni,” an ti bawk.

Hei bakah hian ZPM |halaite chuan Education changtu Minister in Starred question a chhanna dangah, 'Mirethei deuh zawk pawhin sum harsa chung chunga an fate sawrkar School-a dah lova, Private School-a an dah chhan ber hi hriat a ni lo' tia a chhanna chu lungchhiatthlak tak nia an hriat thu an tarlang bawk a. Education Minister, MZP President meuh pawh lo ni tawhin Mizoram-a School Education siam\hat a tum thu a sawi fo laia nu leh pa tam zawkin Private School an thlan chhan ber a hriatpui lo chu pawi an ti takzet tih an sawi bawk.