Chan loh khan-ah SEDP a chhuak - Vanlalruata

PRISM Party President, Vanlalruata chuan mipui in beisei taka an thlir SEDP chu mipui chan loh khan-ah a chhuak ta daih niin a sawi.

PRISM Party President chuan SEDP kan hriat dan tlanglawn ber chu cheng nuai thum sem tih a nih thu leh a nghah pawh kan nghakhlel tih sawiin, mi \henkhat phei chuan MNF sawrkar chhanah an ngai hial tih a sawi a. Mizoram budget thara SEDP awm dan sawifiahin, “Kumin budget-ah hian inthlan laia cheng vbc. 1,000 an dah nghal tur thu an aupui kha lo har hretin, cheng vaibelchhe 750 an dah a. A lawmawm viauin a lang. Mahse SEDP chu kan chan lohna khanah zawk a lo chhuak ta hlauh a. He SEDP zinga cheng nuai 612.90 hi Taxation Department in hnathawh nana an hman tur a ni a. Cheng nuai 346.18 hi Home Department in hnathawh nana an hman tur a ni a. Cheng nuai 500 hi School Education Department hman tur a ni a. Cheng nuai 900 hi Labour Department kan tih \hin LESDE in hnathawh nana an hman tur a ni a. Cheng nuai 200 hi Cooperation lam hman tur a ni a. Cheng nuai 1,831.68 chu Power and Electricity lam hman tur niin cheng nuai 1,237.79 chu PWD hman tur a ni ta daih mai,” a ti a. “Kan chan loh leh beisei loh lamah sum hlawmpui chu hman tur a ni ta daih a. Chilputa kan lo thlir cheng nuai thum chu hmuh a har dawn ta a ang hle mai,” a ti bawk.