Latest News

Serchhip-a chhiatna thleng Bialtu MLA in a rawn tlawh

Serchhip Bialtu MLA, Lalduhoma chuan Inrinni khan leimin avanga Serchhip-a chhiatna thlenna hmun hrang hrangte a tlawh.
Serchhip bialtu MLA, Lalduhoma hian Inrinni khan Ser-chhip hi rawn tlawhin Serchhip Saron Veng a leiminna hmun hi a tlawh nghal a. Hemi hnu hian Serchhip Dinthar Branch YMA leh Saron Branch YMA hruaitute chu kawm nghalin an huamchhunga chhiatna thlen dan a sawipui zui a, Serchhip khua hian nikum ah pawh leimin avanga chhiatna nasa tak alo tawrh tawh thu sawiin, cheng nuai 320 vel sanction a ni chungin hmalakna erawh a duhkhawp-loh hle tih a sawi.
Bialtu MLA chuan leimin avang hian chenna In bakah kawngpui te pawh chhe thei dinhmuna ding reng kan nih avangin Sawrkar pawhin min ngaihven a \ul thu Assembly House-ah a lo sawi tawh thu leh Serchhip tana DPR pathum (3) siam tawh chu pawm a nih loh avangin Ser-chhip pum tan DPR lian tak pakhat siama hmalak sak tura ngenna a thlen thu leh hei hi sawrkar thuneitute pawhin ngaihtuah a nih tur thu an sawi tih a sawi a. Amaherawh chu DPR siam chu thil tih zung zung theih a nih loh thu a sawi bawk. Serchhip bialtu MLA hian Saron Branch YMA hnenah Rs. 2000/- chu thingpui lumna atana a pek hnuah Inrinni khan Serchhip Dinthar Branch YMA te hnenah Rs. 3000/- a hlan leh bawk a ni.
Hemi hnu hian Serchhip bialtu MLA hian tunhnaia ruahsur avanga mahni In chan te zawng zawng tlawhchhuakin leimin avanga mahni In luah ngam lova chhuak mek te pawh an awmna ah a tlawhkual vek bawk a ni.

Comments

Popular News (Last 30 Days)