MRB Chhingchhip Branch rawk tumtu a puh te man

Mizoram Rural Bank (MRB) Chhingchhip Branch rawk tumtu a puh mi pahnih (2) te chu nimin zing khan man niin nimin vek khan Serchhip Police kutah hlan an ni.

Thudawn danin Chhing-chhip-a Mizoram Rural Bank rawk tumtu a puh te hi C. Lalawmpuia (39) s/o C. Malsawma (L) leh C. Lalrinmawia (20) s/o Lalsangzuala te niin an pahnih hian Chhingchhip Venghlun ve ve an ni a, heng mite hian nimin zing khan MRB Chhing-chhip Branch hi rawk an tum laiin man an ni a, heng mite hian Bank kawt lama CCTV Camera dah chu anmahni hmel a lan theihloh nana tuamin hemi hnu hian Office kalhna hi tihchhiat an tum a, heta an thawm hi a bulhnai ami te chuan hriain an inpunkhawm hnuah an man zui ta a, thil tihchhiat leh ruk hman erawh an neilo thung a ni. Heng mite hi nimin vek khan Serchhip Police te chuan an la nghal a, a \ul anga hmalak chhun-zawm nghal a ni.