Serchhip bialtu MLA in MLA a nih hnua Serchhip-a hmalakna hrang hrang te a puangzar

Serchhip bialtu MLA, Lalduhoma chuan nimin khan Serchhip-a thuthar thehdarhtute kawmin Serchhip bialtu MLA a nih hnua Serchhip-a hmalakna hrang hrang awmte a sawi a. Serchhip Zawlpui phai, Leilet atana hman \angkai theih chu hman vek ni sela chuan Mizoram Chhek In pakhat a nih theih thu a sawi.

Nimin chawhnu dar 2:00-a Jemela Hotel-a thuthar thehdarhtute a kawmna hunah hian Serchhip bialtu MLA, Lalduhoma chuan Serchhip District-a District Irrigation Plan hnuaiah WRC (Leilet)-a siam theih ram hectare 567 awm thu sawiin, heng ah te hian Tui lakna lam tih chak a \ul thu a sawi a. Sawrkar kaltawh ten Zawlpui phai atana hma an lak tawhna leh sum an hman tawh te chu an lakkhawm thu sawiin, Contract hralh a tam thu leh hei vang hian sawrkar ruahmanna te chuan a nih tur ang a nih phakloh thu a sawi a. Serchhip Zawlpui phai chu hman \angkai theih ang te hman \angkai vek a nih chuan Mizoram Chhek In pakhat a ni thei tih sawiin, chumi tur atan chuan Tui lakna ngaih pawimawh a ngaih thu leh Link Road a pawimawh thu sawiin, helai hmun tlawh tura Agriculture Minister a sawm angin Vawiin hian Minister hian a tlawh dawn thu a sawi bawk.

Hei bakah hian bialtu MLA chuan nakum-a Serchhip in K|P General Conference a dawn tur atan Leisekawt Mual chu zauh tura chak taka hmalak a \ul thu sawiin, hei hi Chief Minister pawhin min hriatpui tawh thu a sawi a. Kum 2017-a ruahsur nasa avanga leimin venna atan Serchhip hmun hrang hranga National Disaster Relief Fund (NDRF) a\angin cheng nuai 320 hmanral a nih tawh thu leh hei hian kawngro a sut lemloh thu sawiin, Project pathum (3) lo siam tawh te chu pawm a nih loh avangin Project lian zawk siam tura hmalak mek a nih thu a sawi a. New Serchhip North VC huamchhunga Forest Department ram chu Inhmun atan thehchhuah \hen a \ul thu leh hemi atan hian inremsiam pawh a \ul thu sawiin, UD&PA Department hnuaia SEP Loan dil theih te chu mipui ten hre tamin chhawr \angkai thei se a duh thu a sawi a. Serchhip District Hospital thar sakna turin NGO te a hmun chungchang thutlukna siam tura thu a rawn angin an duh thlan anga a hmun ngaia sa tura hmalak mek a nih thu a sawi bawk.

Lalduhoma chuan Serchhip-ah sawrkar Building sak hman \angkai loh hrang hrang- Cold Storage, PWE SE Building, Irrigation EE Quarters, Nursing School leh Hostel leh Chhiahtlang-a Supply Kudam te a awm thu pawh tarlangin, tunah hian cheng nuai 950 sengin ITI Building chu Bukpui-ah sak mek a nih thu leh cheng nuai 98.33 senga Polytechnic Building sak hna thawh mek a nih thu a sawi a. Heng hnathawh hrang hranga nihna tur anga hman takloh te hi awm tawhlo se a duh thu sawiin, khawtlang mipuite pawhin hna-thawh te hi ngaihven ve a \ul thu leh hnathawh te hi a \ha tur a nih thu leh a huna zawhfel tur a nih thu a sawi bawk.

Heng bakah hian Serchhip-ah Veterinary Hospital sak tum a nih thu te, District Library Office dah tum a nih thu te, District Social Welfare Office hawn tum a nih thu leh a Post pawh siam a nih thu te, cheng nuai 380 sengin Judicial Road-ah harsatna tawk hmeichhia ten an pan theih tur One Stop Centre sak tum mek a nih thu leh sum pawh 1st Instalment pekchhuah a nih tawh thu te, Swadhar Greh sakna tur Rs. 5,45,250/- pekchhuah a nih tawh thu te, Pioneer Camp hlui-ah District Sericulture Office sak tum a nih thu te, Serchhip College tan RUSA-ah Infrastructure Grant cheng nuai 200 dil mek a nih thu leh Youth Centre a nih dawn thu te sawiin, Kawlri-ah Heritage Center changtlung tak siam tura hma lain Mizoram University chu Agency-ah an hman tur thu leh vbc. 15 senna tur Scheme siamin Concept Paper an peih \ep thu a sawi a. Nakum February thlaa Serchhip in Paragliding Accuracy World Cup a thlen turah ruahmanna \ha tak siama khaw-tlang kan \anrual a \ul thu sawiin, kan khaw hming khawvel huapa kan tarlanna tur a nih thu a sawi bawk.