Serchhip-ah Births & Deaths Certificate lakchhuah kawnga mipui harsatna sawiho a ni

Serchhip District Level Co-Ordination Committee on Civil Registration System of Births & Deaths chu an Chairman Serchhip District Bawrhsap, Sangchhin Chinzah hovin nimin khan a Pisa-ah an \hukhawm a. He hunah hian Birth & Death Registration Report te thlirho niin Certificate lakchhuah kawnga mipuiten harsatna an tawh \hin te an sawiho bawk.
He \hutkhawm ah hian Serchhip District Bawrhsap, Sangchhin Chinzah chuan nun kawng tinreng deuhthaw ah sawrkar in a mipuite ham\hatna leh hmasawnna a ngaihtuah tih sawiin, Khua leh tui dik takte chauhvin sawrkar hmalakna an chhawr theih nana mipuite dik taka chhinchhiah chu hna pawimawh a ni tih a sawi a. Chutiang hnathawktute zingah Register of Birth & Death te chu a pawimawh ber te zing ami an nih thu sawiin, mi diklo hnena Birth Certificate pekchhuah palh chuan nasa takin hnam leh sawrkar pawi a khawih hlauh thei tih a sawi bawk.
He \hutkhawm ah hian kum 2018 leh kumin (2019) kum chanve chhunga Serchhip District report tlangpui pharh niin kum 2018 chhung khan Register of Birth & Death te kaltlangin Live Birth Register 736, Death Register 318 a awm a. DRO Office a\anga Non-Availability Certificate hmanga Birth Certificate pekchhuah 214 leh Death Certificate pekchhuah 9 awmin DRO a\ang veka Birth Certificate Re-Issue 449 leh Death Certificate Re-Issue 17 a awm a ni. Kum 2019 kum chanve (January - June) chhung hian Register of Birth & Death te kaltlanga Live Birth Register 347 leh Death Register 145 a awm tawh a, DRO Office in Non-Availability Certificate hmanga Birth Certificate a pek tawh chu 148 niin, Death Certificate 11 a pe tawh a. DRO a\ang veka Birth Certificate Re-Issue hi 278, Death Certificate re-Issue 14 a ni tawh bawk.
He Meeting-ah hian Department in District chhunga khaw \henkhat te record bu a hmuh-chhuah mai loh te chungchang sawiho a ni a. Heng record bu hmuhchhuah loh te huamchhunga piang leh thi, Certificate re-issue rawn dilte chu awlsam leh tlawm zawka pek an nih theih nan thuneitu sang zawkah ruahmana lo siam tura ngen ni se an ti a. Birth Certificate in pekchhuah kawngah Kohhran te, tlawmngai pawl te leh Village Council te chu khua leh tui dik tak te chauh thuneitute hnena lehkha siam sak \hin turin a thar a ngen leh nise an tih bakah, Register of Birth & Death te pawh an hnathawh pawimawh zia leh tisual lui duhte tana a pawi thui theihzia te a thara inhrilhhriat leh nise an ti bawk.

Comments

Popular posts from this blog

PAN CARD an tih teh fo hi - Laldinpuia