Serchip-ah VC ten Thingzai rate khuahkhirh an tum

Serchhip khawpui chhunga Village Council hrang hrangte chuan nimin khan Coordination Committee neiin Serchhip khawpui chhunga thingzai man khuahkhirh dan tur an sawiho.

Lal-puithanga Hall, Serchhip Chhim Veng-a Serchhip Town chhunga VC hrang hrang inhmuhkhawm hi Serchhip-VIII VCP, F. Lalhmangaiha chuan kaihruaiin tunhnaiah UD&PA Department kal-tlanga PMAY-HFA hnuaia In sak \anpuina dawng tur mi 400 chuang an awm laiin sumdawng \hen-khat ten mipui mamawhna a san avanga thingzai man an tihsan lohna tura hmalak dan tur hrang hrang an sawiho a. In sak tum te hian harsatna an tawh loh nan hian thingzai man chu pakhat zelah Char-tin (4x3) chu Rs. 550/-, Char char (4x4) chu Rs. 700 leh phekpui chu Rs. 750/- aia sang lo \heuh nise, a thing \hat leh chhiat dan azira a hniam lama inleitir theih a nih chuan pawm theih nise an ti a. Hemi aia to a hralh an awm chuan Environment & Forest Department leh thunei-tute hnenah hriattir zel nise an ti bawk.

Hei bakah hian PMAY-HFA hnuaia In sak \anpuina dawng tur ten harsatna an tawh theih sutkianpui tura hma la turin District Bawrhsap leh Divisional Forest Officer (DFO) te hnenah ngenna siam pawh relin, In sak \anpuina dawngte hman tur bik thingzai phur te chauh VCP ten lehkha siamsakin, Check Gate-ah pawh lo hrethiam tura ngen nise an ti bawk. Serchhip Town VC Co-ordination \hutkhawmah hian Serchhip Town chhunga VC 11 a\angin VC pahnih tih loh, VC 9 te aiawh an kal a ni.