MPC Party President atan Lalhmangaiha Sailo thlang

MPC Party chuan nimin khan General Assembly neiin an Party President atan Lalhmangaiha Sailo chu thlantlin leh a ni.

Nimin a Aizawl-a MPC Office Darbur Hall-a MPC General Assembly-ah hian MPC President, Lalhmangaiha Sailo chuan MPC Party chu innghahna (foundation) nghet tak, Kan ram, kan hnam, kan sakhua a him theihnan Dikna, Rinawmna leh taimakna a thawk tura kilh hnan tlat anih avangin an tam leh tlem lam ni lovin an ding zel tih a sawi a. “Founder President Brig T Sailo kha hmathlir thui tak nei anih avangin policy hlawmkhawmna ‘Six Basic Needs’ nei party kan ni a. Heng kan mamawh hmasa leh a bul hi hlamchhiah in kum 30 chuang lai kan sawrkar a kal avangin awmzia kan la nei thei lo a. Tlachawp Policy in Mizoram an kaihruai a, hmasawnna tluantling kan la nei thei lo a ni,” a ti.

Brig. T. Sailo hmalakna hrang hrang sawilangin Lalhmangaiha Sailo chuan, “Chakma Foreigners chungchangah te, Cachar nena kan ramri chungchangte, Hnam inchimralna chung-changah te hian amah ngei kalin hma a la a. Heng hmalakna hi hmathlir thui tak leh awmze neiin a bawhzui a ni,” a ti a. Rampum development atana pawimawh ber Power chu mutmawh hnarmawh ah neiin Vawiin thleng hian hlamchhiah in a awm tih a sawi a. “Inkalpawhna \ha, ei leh bara into-delhna kawng ah pawh nasa taka a hmalakna chhunzawm zel a ‘ul tak meuh a ni” a ti bawk.

Nimin a MPC Party General Assembly-ah hian kum 2019-2021 chhunga an Party hruaitu tur thlanna neiin President-ah Lalhma-ngaiha Sailo IRS (Rtd), Tuivamit; Vice President-ah Lalthansanga, Ex-MLA, Zarkawt leh Treasurer-ah V. Lal\hazuala, Dawrpui Vengthar te thlan an ni a. Kan ram, kan hnam leh sakhua a lo him zel theih nan MPC Party chuan theih-tawp an chhuah zel ang tih Resolution siamin an pass bawk.