Lehkha chhiar lama \an lakna atan Reading Month hmang dawn

India sawrkar-a NITI Aayog in ramchhunga District hrang hrangte Reading Month hmang tura a tih angin Serchhip District-ah chuan July thla chhung hian Reading Month hi hman a ni ang.

India Prime Minister Narendra Modi chuan June 17, 2017 khan Kerela-ah 22nd National Level Reading Day leh Reading Month Celebrations hmanpuiin chutah chuan India khua leh tui te chu lehkha chhiar lama \an la nasa tur leh mipuite thinlunga lehkha chhiar tuina tuha, kum 2022 ralhma ngeia khua leh tui mi harsa zawk makta-duai 300 tal ten lehkha chhiar tam hlutna an hriat ngeina tur hmalakna neih ni se a ti a. Hemi bawh-zuina kal zelah NITI Aayog chuan rawtna siamin chu rawtna ang chuan Serchhip District-ah pawh Lehkha chhiar uar thla (Reading Month) hi kalpui a ni dawn ta a ni.

Serchhip District-a Reading Month kal-pui dan tur ngaihtuah hian nimin khan Serchhip District Committee on Reading Missions 2022 chu an Chairman, Sangchhin Chinzah DC hovin an \hukhawm a, lehkha hmuh a tlai deuh avangin Reading Month hi July thla ah hman mai nise tiin NITI Aayog hian District chhunga Institutions awm te leh tlawmngai pawl te nena \angkawpa hmang turin a beisei a. Reading Month hi High School leh Higher Secondary School hrang hrang ah te hman tur a ni ang a, lehkha chhiar tam tura inzirtirna leh lehkha chhiar tam lama inelna thianghlim kalpui a ni ang. Hei bakah hian YMA Branch, Library nei zawng zawng te pawh an Branch huamchhunga mipuite tan a thlawna lehkhabu hawh theihna remchang lo buatsaih tura beisei an ni bawk.