Kum 7 chhungin mahni intihlum 583 awm

Kum 2012 a\anga kumin July thla tawp thleng khan Mizoram-ah mahni intihlum mi 583 chhinchhiah an awm tawh a, heng mahni intihlum te intihhlum dan tam ber chu 'Inawhhlum' a ni.

Mizoram Police te chhinchhiahna a\anga alan danin kum 2012 khan Mizoram-ah mahni intihlum mi 91 awmin kum 2013-ah mi 81, kum 2014-ah mi 71, kum 2015-ah mi 113, kum 2016-ah mi 92, kum 2017-ah 89 leh kum 2018 kum kal mekah mi 46 an awm tawh a. Mizoram-a mahni intihlum chhinchhiah zinga tam zawk hi mipa niin mipa mahni intihlum mi 482 an awm a, midang 101 hi hmeichhia an ni thung. Kum 7 chhunga mahni intihlum chhinchhiah te intihhlum dan tlanglawn ber chu inawhhlum niin mi 583 zinga 552 chu inawkhlum an ni a, hei hi thi zawng zawng a\anga chhutin 94.68% a ni a, midang ten intihhlumna atana an hman chu inhal, electric inman tir, hmun sang a\anga zuanthlak leh silai hmanga inkahhlum te a ni a. Mahni intihhlum chhan tam ber chu eizawnna avanga harsatna thleng a ni deuh ber nia hriat a ni bawk.

Mental Health lam buaipuitu Dr. Robert L. Khawlhring chuan mahni intihhlum chu ven theih a ni tih sawiin, harsatna neite tan Ph. 9366181946, 9366193094 leh 9366191341-ah te engtiklai pawha biak theih a nih thu a sawi a, harsatna nei te hming leh nihna chu thup tur a nih thu a sawi bawk.

Kumtin in mahni intihlum te venna Ni, World Suicide Prevention Day chu Sept. 10-ah hman a ni \hin a, kumin pawh hian Vawiin hian hman leh tur niin thupui atan 'Working Together to prevent Suicide' tih hman a ni ang.