School tan hun thu ah Serchhip Sub-Hqrs. YMA leh Central YMA ngaihdan a inanglo!

Inrinni kalta khan Science Teachers Association of Mizoram (STAM) huaihawtin Mizoram-a sikul \an hun (school timing) chungchanga inrawnkhawmna lehsawihona neih a ni a, Central YMA leh Serchhip Sub-Hqrs. YMA te chu School \an hun chungchang ah hian an duhdan a inmillo.

Nikum March 30 a\anga April 1 chhung khan Serchhip Sub-Hqrs. YMA chuan Conference vawi 5-na chu Zote South-ah neiin heta an thurel zingah hian School \an hun sawn hma titawp tur leh a hma anga \an tir leh tura hmalak telin hei hi Sub-Hqrs. Coordination Committee (SCC) \hukhawm chuan a ngaihtuah leh hnuah hmalak zui a ni a. Amaherawh chu Inrinni a School \an hun chungchang sawihona hunah hian Central YMA chuan School \an hun hi a ngai (dar 8:00 a \an) anga la kal a, enchhin deuh hrih an duh tih an sawi tih Aizawl-a chanchinbu pakhat chuan a tarlang a. MUP chuan an ngaihdan bik an neilo tih sawiin, 50/50 a ni tih an sawi a, MHIP chuan Meeting-ah an la sawiho lo niin an sawi tih a tarlang bawk.

Inrawnkhawmna a tel zirtirtu pawl hrang hrang aiawhte chuan sikul \an hma chu hmun hla zawk a\anga kal zirlaite tan harsatna a siam nasa nia sawiin, School \an hma vangin zirlaiten zirna hun an nei tam chuang lo tih an sawi a, pum \ha lo an tam phah niin an sawi bawk. Sikul \an hma avangin naupang zingah luhai, pumna leh luak an tam tih sawiin, tlai-a an ban hma vangin zirlai tam takin ruihhlo bakah inngaihzawnna kawngah nghawng \halo zawk a nei nia an hriat thu an sawi bawk. He hunah hian YMA, MUP, MHIP, MSU, zirtirtu pawl hrang hrang bakah sawm bikte an tel a ni.

Science Teachers Association of Mizoram (STAM)-in nu leh pa, zirtirtu, zirlai, Traffic Police leh Driver mi 4816 zawhna (Questionnaire) an neih a\anga a lan danin zing dar 8:00-a sikul \an \ha ti hi 1343 (27.89%) awmin \ha ti lo 3250 (67.48%) leh ngaihdan nei lo 184 (3.8%) an awm a. Nu leh pa, zirtirtu leh zirlai mi 4695 te hnenah ‘naupangte hriselna a khawih pawi em?’ tih chu pawi ti 2161 (46.02%), pawi lo 2240 (47.7%) leh ngaihdan nei lo 294 (6.26%) an awm a. Nu leh pa 1896 te hnenah school \an hun atana an duh ber an zawhna chu dar 8:00 duh 172 (9.07%), dar 8:30 duh 670 (35.34%), dar 9 duh 851 (44.88%) leh 9:30 duh 203 (10.7%) an awm a ni.