Ramchhung hmundang rualin Serchhip-ah Zirtirtute Ni urhsun taka hman a ni

Nimin September 5, 2017 khan rampumah Zirtirtute Ni, Teachers’ Day hman a ni a, ramchhung hmundang te rualin Mizoram-ah pawh uar taka hman niin Serchhip-ah pawh zirna In hrang hrang ten an remchan dan angin anmahni in he Ni hi an hmang a ni.

September 5, 2017 hi India President pahnihna, Dr. Sarvepalli Radhakrishnan-a pianchamphaphak niin he Ni hi rampumah Zirtirtute Ni, Teachers’ Day atan hman a ni a, Serchhip-ah chuan District Bawrhsap, Sangchhin Chinzah hova District Level Committee for Celebration of Teachers’ Day-2017 in ruahmanna an siam angin zirna In hrang hrangah anmahni remchan dan angin he Ni hi hman a ni a, zirna In \henkhat chuan nileng-a hun hmangin Zirtirtute chawimawina leh zahna hlanna hun atan an hmang a, zirlai ten an zirtirtute hnenah he Ni pual hian lawmpuina leh duhsakna thilpek chi hrang hrang hlanin zirna In \henkhat-a zirlaite chuan he Ni pual hian inkhawm buatsaihin an Zirtirtute hnenah zahna thilpek an hlan a, an thiamthil chi hrang hrang an entir bawk. He ni pual hian thuchah sawiin School Education Minister, H. Rohluna chuan nikum a\anga an tih \an, zirtirtute pawisa thawh tlingkhawmin zirtirtu natna khirhkhan tuar mi 99 hnenah \anpuina pek a ni tawh tih a sawi a, National Foundation for Teachers' Welfare (NFTW) fund a\anga \anpuina ah hian inthlauhthlakna leh inthliarhranna a awm lova, sorkar leh Private School a thawk zirtitute a huam vek a ni, a ti. Education Minister chuan Zirtirtute chu mi fel tak tak an nih rualin beisei ang phak lo deuhte an awm \hin avangin Department pawhin harsatna tawh chang a nei \hin tih sawiin, zirtirtu thunun ngaia awmte chu a \ul dan ang zelin Dan hmangin an chungah thununna lekkawh a ni, a ti a, zirtirtu \ha chu ram siam \hatna bul a ni tih hriaa theihtawp chhuah turin zirtirtute zawng zawng a ngen tih a sawi bawk.

India Vice President hmasa ber leh India President pahnihna, Sarvepalli Radhakrishnan hi Sept. 5, 1888 khan tuna Tamil Nadu State chhung Thiruttani-ah a piang a, May 14, 1962 a\anga May 13, 1967 chhung India President hna a chelh a, Professor ropui tia sawi \hin niin kum 1954 khan Bharat Ratna pawh hlan a lo ni tawh nghe nghe a, kum 1962 a\ang khan a piancham, Sept. 5 chu rampum ah Zirtirtute Ni, Teachers’ Day atan hian hman a. Kum 1975 April 17 khan kum 86 mi niin Madras, Tamil Nadu-ah a boral a ni.