Pradhan Mantri Krishi Sinchayee Yojana - Watershed Development Component hmalak dan thlirletna nei

/
Pradhan Mantri Krishi Sinchayee Yojana-Watershed Development Component (PMKSY-WDC) hnuaia Mizoram-a hmalakna chu nimin khan RD changtu Minister, R. Lalzirliana hovin Aizawl-a RD Conference Hall-ah thlirletna neih a ni.
PMKSY-WDC hnuaia hmalak dan thlirletna hunah hian RD Minister chuan Project dang ang lo takin PMKSY-WDC chu huamzau leh kawng hrang hranga mipui thleng pha project a ni a, he Project-in a tum ber chu rambua (watershed area) \angkai zawka hman theih tura siamthar a ni, a ti a. Mizoram-ah pawh eibar zawnna avang leh khawvel \hang zelin environment leh ecological balance nasa takin a tichhe mek avangin ram chang \ha hmuh tur awm tawh lek lovin ram suat a ni a, Mizote lo/huan neih dan lah hman-a pipu te tih dan ang thovin la kalpui a ni reng a, hei hian nasa takin ram a tichhia a, rambua a siam a, lei leh tui luangral a nasain thlai tharte pawh a hlawk thei ta lo a ni, a ti bawk.
PMKSY-WDC hi Integrated Watershed Management Programme (IWMP) tiin kum 2009-2010 khan 11th Plan chhungah Prime Minister Flagship Programme atan ramchhung state zawng zawngah (Goa tiam lovin) hmalak \an a ni a, tuna PMKSY-WDC tia a hming thlak ni ta he project hi kum 2027 thleng daih tur a ni a. State tinte chu State Level Nodal Agency din tura tih an nih angin Mizoram-ah pawh Chief Secretary Chairman-na hnuaiah State level Nodal Agency, Mizoram Watershed Development Agency (MzWDA) tia hming vuahin din niin State Perspective & Strategic Plan (SPSP) siam a ni a; MzWDA chu The Mizoram Societies Registration Act, 2005 hnuaiah register a ni bawk.
Project kalpui dan hi Central-State sharing pattern hi 90:10 a ni a; tun dinhmunah hian project fund Centre Share a\angin Rs. 224,38,99,840 leh State Share a\angin Rs. 23,82,97,300 dawn a ni tawh bakah Institutional Support Fund Rs. 3,64,44,191 dawn a ni tawh a. SPSP-ah hian project 170, Project Cost cheng nuai 94656.90 hmanga ram hectare 631046 tuam turin duan a ni a; project 89-ah hmalak ni tawhin chung zingah project 16 chu ni 31st March, 2017 khan zawhfel tawh a ni a. Project zawhfel tawhah hian cheng nuai 9365.25 sengin ram hectare 62435 tuam a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »