Serchhip District-a chhungkaw 9524 ten NLUP tanpuina Rs. 750,438,514 an dawng tawh

Mizoram sorkar in NLUP a kalpui mekah Serchhip District chhungah chhungkaw 9524 ten NLUP \anpuina hi dawng tawhin heng mite hnenah hian Rs. 750,438,514/- semchhuah a ni tawh.

Mizoram sorkar in New Land Use Policy (NLUP) a kalpui mekah hian Line Department 8- Agriculture, Horticulture, Sericulture, Industry, Fisheries, Environment & Forest, Soil & Water Conservation leh AH&Vety Department ten Serchhip District-ah NLUP hi an kalpui a, heng Department 8 hnuaiah hian NLUP \anpuina dawngtu (Beneficiaries) 9524 awmin heng mite hnenah hian Rs. 750,438,514/- semchhuah a ni tawh a ni. NLUP \anpuina dawngtu zingah hian 1st Phase leh 2nd Phase hnuaia \anpuina dawngtute hnenah hian \anpuina leh an sum dawn tur zawng zawng chu pekchhuah kim a ni tawh a, 1st Phase-ah hian Beneficiaries 3067 awmin heng mite hnenah hian Rs. 297,632,794/- semchhuah a ni a, 2nd Phase-ah hian Beneficiaries 3099 awmin heng mite hnenah hian Rs. 315,764,080/- semchhuah a ni bawk a ni.

Tunah hian NLUP 3rd Phase leh 4th Phase chu kalpui zui mek zel a ni a, 3rd Phase-ah hian Serchhip District pumah Beneficiaries 2110 awmin heng mite hnenah hian \anpuina Rs. 95,899,424/- semchhuah a ni tawh a, 4th Phase-ah hian beneficiaries 1248 awmin heng mite hnenah hian Rs. 41,142216/- semchhuah a ni tawh bawk a ni.

Department malkhai ah Horticulture Department chuan Beneficiaries ngah berin NLUP 4th Phase thlengin Beneficiaries 2800 an nei a, \anpuina thil leh pawisafai Rs. 245,289,580/- hu an sem tawh a, Agriculture Department hnuaiah Beneficiaries 2143 awmin Rs. 212,804,000/- hu an semchhuak tawh bawk a, Beneficiaries nei tlem ber Environment & Forest Department chuan District pumah Beneficiaries 147 neiin Rs. 12,945,495/- hu an semchhuak tawh bawk.

NLUP-ah hian Industry Department hnuaiah Trade chi hrang tam berin Trade 25 zet a awm a, Horticulture Department hnuaiah Trade 6, AH&Vety Department leh Agriculture Department hnuaiah Trade 4 ve ve bakah Soil & Water Conservation Department hnuaiah Trade 3 leh Sericulture Department, Fisheries Department leh Environment & Forest Department hnuaiah Trade pakhat \heuh, a vaiin Trade 45 a awm mek a ni.