Sub-Hqrs YMA Serchhip hnuaia Vigilance & Monitoring Committee chuan Inrinni zing khan Serchhip Hmar Veng Complex Field-a Football Stadium sak mek tlawhin hnathawktute hnenah rawtna an neih te an thlen.
Stadium sak mek tlawhtute hian inkhel entute \hutna, Gallery \hen-khat Cement plaster \ha tawklo lai te siam\ha leh tur te, mipui tlak dal tura Gallery hungna, thir pipe hlui an hmante pawh thlak leh turin an ngen a, he Stadium sak hna NBCC aiawha viltu te chuan Sub-Hqrs YMA hruaitute ngenna chu tihhlawhtlin ngei an lo tum tur thu sawiin, an hma-lakna March thla chawlhkar hmasa bera en leh turin YMA hruaitute hi a lo sawm a ni. Serchhip Hmar Veng a Complex Field ah hian mi sing tel len theihna tur Football Stadium sak mek a ni a, NBCC hnuaiah Guwahati a inkhuar, Agni Shanti Company ten an thawk a ni. He Field ah hian phullem pawh phah tuma hmalak a ni.
Comments
Post a Comment