Serchhip-ah Road Safety Week hman chhunzawm mek zel a ni

Lirthei avanga chetsualna thleng thei laka fimkhur a \ul zia inzirtirna Hapta, Road Safety Week hawnna a neih hnuah lirthei avanga chetsualna thleng thei laka mipuite an him theih nana inzirtirna chu ngawrh taka kalpui zui nghal a ni.

Road Safety Week hman mek pual hian nimin khan Serchhip-a Traffic Police leh Trans-port Department hnuaia Motor Vehicle Inspector (MVI) te chuan Serchhip-a lirthei hrang hrangte lehkha pawimawh enfiah hna an thawk a, Traffic Police leh MVI te hian Serchhip Bazar-a mihring phur chi leh sumdawnna atana hman lirthei te bakah mimal Motor hrang hrangte chu an document an enfiah sak a, Traffic Police-a OC, T. Vanlalhnaia chuan nikum Krismas hma lawkah No Tolerance Week an lo hman tawh avangin lirthei tam ber te chu an document a felfai tih a sawi a, dan bawhchhia man pawh an nei manglo tih sawiin, a theih angin Traffic Police te hian lirthei khalhtute chu fimkhur turin an chah bawk.