Latest News

In neilo te In sakna tura sorkar hmalakna tur Pradhan Mantri Awas Yojana-Gramin hawn a ni

Thingtlang khuaa cheng, In neilo leh Di In-a khawsa te tana In thar sakna tur leh In chhe tawh thawm\hatna tura sorkar laipui hmalakna, Pradhan Mantri Awas Yojana - Gramin (PMAY-G) chu nimin khan Rural Development Minister, R. Lalzirliana chuan Aizawl-a Assembly Annexe Conference Hall-ah a hawng.

Pradhan Mantri Awas Yojana-Gramin (PMAY-G) Scheme hi Prime Minister Narendra Modi chuan kum kalta November 20 ah khan a lo hawng tawh a, State tin te hawng tura hriattir an nih angin Mizoram-ah pawh nimin khan hawngin he hunah hian RD Minister, R. Lalzirliana chuan PMAY-G hian In leh lo nei lo te, Kutcha In leh In siam\hat ngaite tan kum 2022-a Pucca In leh In chhung mamawh zualpui sak sak chu a tum bulpui ber niin a thawh khatna ah Kutcha In leh In siam\hat ngai vaibelchhe khat vel chu kum 2016-17 a\anga 2018-19 chhunga sak tum a ni, a ti a. Minister chuan a phu ngei ten \anpuina an dawn theih nan mipui kalkhawm Gram Sabha kaltlangin dik taka beneficiary thlanchhuah tum a nih thu sawiin, diklo taka thiltih tum chu sorkarin a do dawn thu leh miretheite chanai sum lokal, mi awmthei zawkin-a lo awh chu thil thianglo a nih thu a sawi a. Sorkar in scheme tam tak, a bik takin thingtlang a chengte tana hmasawnna leh ham\hatna tur a duan te chu mipuite \awiawmna \ha tel lovin a hlawhtling theilo tih sawiin, pen khat tala Mizoram in hma a sawn theihna turin mipuite \awiawmna a ngen bawk a ni.
IAY ti-a hriat \hin chu sorkar in a \halo lai te paiha, belh ngaite belh a nih hnuah a kalhmang siam\ha in PMAY-G tiin a hming thlak a ni a, In sakna sum pawh beneficiaries hnenah thawh li a pekchhuah a ni tawh dawn a. Beneficiary te hnenah IAY hunlaia Rs. 75,000 pek \hin kha PMAY-G ah chuan Rs. 130,000 pek an ni tawh ang. Benefeciary in a duh chuan Bank nena inrem-siamin Rs. 70,000 thleng an puk belh thei bawk.
A dawng thei thlan dan pawh IAY hunlaia BPL list a\anga thlan \hin kha PMAY-G ah erawh chuan Socio Economic and Caste Census (SECC) hmanga chhungkaw harsat dan tehfung hrang hrang a siam tlin te zingah, mipui pungkhawm, Gram Sabha in an endik ngeite thlan an ni ang. PMAY-G hi kum 2022 ralhmaa chenna In nei loten In \ha tak an neih theih nana a hmalakna a ni.

Comments

Popular News (Last 30 Days)