Latest News

HIV/AIDS ven dan tur sawiho

Mizoram Social Defence & Rehabilitation Board (MSD&RB), Link Workers Scheme hnuaiah Mid Media Campaign chu nimin khan Serchhip-a CMO Conference Hall-ah neih a ni a, he hunah hian HIV/AIDS darh zel tur venna kawnga hmalak dan tur hrang hrang sawiho a ni bawk.
He hunah hian Dr. RL. Sanghluna, Senior Medical Officer, Durtlang Hospital, Aizawl chuan he huna tel YMA, MHIP leh Kohhran hruaitute chu HIV/AIDS chungchangah zirtirna pein kan HIV leh AIDS darh zel tur venna hna chu sorkar-a thawktute kutah dah mai lovin khawtlang leh mipuite nasa taka kan \anrual leh tih takzet a hma kan lak a \ul thu a sawi a. HIV/AIDS zirchianna te neih a \ul bakah HIV hrik pai te pawh an mamawh ang zela an taksa leh rilru lama \anpui a \ul thu leh tunhma lama thinhrikna leh endawngna nena kan en \hinna chu dah\hat a \ul tawh thu a sawi a. Hemi kawnga theihtawp chhuah turin he huna kal te chu a sawm bawk.
He hunah hian Lalnuntluangi, Councillor, ICTC, District Hospital, Serchhip chuan Serchhip District-a HIV/AIDS dinhmun leh hma an lakna hrang hrangte a tarlang bawk.
MSD&RB Link Workers Scheme hi Ser-chhip District-ah hian April, 2015 khan Mizo-ram State AIDS Control Society (MSACS) sum hmanga thawh \an niin thawktu mi 6 an awm mek a, he Scheme hian District chhunga khaw 19 tuamin HIV darh zel lohna tura hma lain khaw-tlang hruaitute nen hmalakna tura inrawnkhawmna te neih \hin a ni a. Mi tupawh Injecting Drugs User (IDU) te, Female Sex Workers (FSW) te leh HIV-a dinhmun derthawng te zingah thisen test duh an awm a nih chuan ICTC-ah te hruaiin, HIV hrik pai tawh te pawh an mamawh anga damdawi a hun taka an lak theihna turin Link Workers te hian an \anpui \hin a. HIV/AIDS zirtirna mamawh pawl leh Kohhran te tan pawh Link Workers hi engtik lai pawhin sawm theih an ni bawk.

Comments

Popular News (Last 30 Days)